ԱՐԾԱԹԵ ՀՈՒՇԱՄԵԴԱԼ – ԴԱԴԻՎԱՆՔ

Դադիվանքը հայտնի է նաև Առաքելոց անունով, հայկական առաքելական միջնադարյան վանական համալիր է Արցախի Դադիվանք գյուղում։ Մատենագիտական աղբյուներում Դադի վանքն առաջին անգամ հիշատակվել է 9-րդ դարում, և  9-13-րդ դդ․ ընթացքում կառուցվել են վանական համալիրի առաջին կառույցները։

Ավանդության համաձայն, եկեղեցին հիմնվել է Քրիստոսի առաքյալներից՝  Թադևոսի հետևորդ Դադեի կողմից։ Դադիվանքի վերանորոգման շրջանակներում իրականացված պեղումների ընթացքում, վանական համալիրի եկեղեցիներից մեկի խորանի տակ գտնվել են սուրբ Դադե առաքյալի մասունքները։

Դադիվանքի կենտրոնական կառույցը՝ սբ․ Աստվածածին կաթողիկեն է, որը 1234 թվականին կառուցել է Հաթերքի իշխանուհի Արզու-Խաթունը՝ ի հիշատակ իր ամուսնու՝ Վախթանգի և երկու որդիների։ Մատենագրությունից հայտնի է, որ հայոց իշխանուհին իր դուստրերի հետ վարագույրներ է գործել Նոր Գետիկի, Հաղպատի, Մակարավանքի, Դադիվանքի եկեղեցիների համար։