ԱՐԾԱԹԵ ՀՈՒՇԱՄԵԴԱԼ – ԶՈՐԱՎԱՐ ԱՆԴՐԱՆԻԿ

Անդրանիկ Օզանյանը ծնվել է 1865թ․  Շապին Գարահիսարում, մահացել է 1927 թ․ ԱՄն-ում։ Նրա հայրական նախնիները եկել են հարևան Օզան գյուղից վաղ 18-րդ դարում և բնակություն հաստատել  Շապին Գարահիսարում և Օզանյան ազգանունը վերցրել են իրենց հայրենի բնակավայրի պատվին։

Անդրանիկը մեզանում հայտնի է որպես Զորավար Անդրանիկ, Անդրանիկ Փաշա, հայ զորահրամանատար ու ֆիդայապետ։

Առանձնակի դեր է ունեցել Հայ ազատագրական շարժման գործում, մասնակցել է իր հայրենի երկրի բնակավայրերի պաշտպանությանը։

Անդրանիկը վիթխարի դեր է ունեցել նաև  Զանգեզուրի պաշտպանությունում։

1921 թվականին, Զորավար Անդրանիկը ցանկացավ մտնել Կիլիկիա՝ այնտեղի հայերի ինքնապաշտպանությունը իր վրա վերցնելու և քեմալական Թուրքիայի դեմ պայքարելու համար, սակայն Ֆրանսիայի կառավարությունը արգելեց Զորավարի մուտքը Կիլիկիա։

Անդրանիկը մահացավ 1927 թվականի օգոստոսի 30/31-ին, ԱՄՆ-ում՝սրտի կաթվածից և սեպտեմբերին թաղվեց Ֆրեզնոյի «Արարատ» գերեզմանատանը։ 1928 թվականի հունվարին նրա աճյունը փոխադրվեց Փարիզ և վերաթաղվեց Պեր-Լաշեզ գերեզմանոցում, իսկ տարիներ անց՝ 2000թ․ այն տեղափոխվեց Հայրենիք՝ Երևանի Եռաբլուր պանթեոն։

Անդրանիկի անունով են կոչվում հրապարակներ, փողոցներ, դպրոցներ, նրա պատվին տեղադրված են արձաններ և հուշատախտակներ աշխարհի մի շարք երկրներում (Հայաստան, Բուլղարիա, Ֆրանսիա, Ռումինիա)։