Սողոմոն Գևորգի Սողոմոնյան, Կոմիտաս վարդապետ, ծնվել է 1869 թվականի սեպտեմբերի 26-ին Քյոթահիայում, մահացել է 1935 թվականի հոկտեմբերի 22-ին Փարիզում։ Հայ երգահան, երգիչ, երաժշտական էթնոլոգ, երաժշտագետ, վարդապետ և ուսուցիչ, բանահավաք, խմբավար, մանկավարժ, հայկական ազգային կոմպոզիտորական դպրոցի հիմնադիր։ Ահա, թե ով է մեծն Կոմիտասը։
1881-1893 թվականներին նա սովորել է Էջմիածնի Գևորգյան ճեմարանում։
1894 թվականին ձեռնադրվել է աբեղա և ստացել Կոմիտաս անունը։
Կոմիտասը նպատակ ուներ աշխարհին ներկայացնել հայկական երաժշտական հարուստ մշակույթի ավանդույթները և ապացուցել, որ հայն ունի ինքնուրույն երաժշտություն։
Նա հավաքել և գրառել է ավելի քան 3000 հայկական ժողովրդական երաժշտության նմուշներ, որոնցից ավելի քան կեսը հետագայում կորել է և միայն մոտ 1200 է պահպանվել։
Հայոց ցեղասպանության ժամանակ՝ 1915 թվականի ապրիլին, շատ այլ հայ մտավորականների հետ մեկտեղ օսմանյան կառավարության կողմից Կոմիտասը ձերբակալվում է և աքսորվում է բանտարկյալների ճամբար։ Նրան շուտով ազատում են, որից հետո ստանում է հոգեկան խանգարում և նրա մոտ ձևավորվում է հետվնասվածքային սթրես։
2015 թվականի հունվարի 29-ին Երևանում Կոմիտասի անվան զբոսայգում տեղի ունեցավ Կոմիտասի թանգարան-ինստիտուտի բացումը։ Նույն տարվա հունիսի վերջին «Վերածնունդ» մշակութային հիմնադրամի շնորհիվ իրականացավ Կոմիտաս վարդապետի ծրագիրը. լույս տեսավ նրա կողմից կազմված «Հազար ու մի խաղ» 100 ժողովրդական երգերի ընտրանին։
Կարծիքներ
Դեռևս կարծիքներ չկան: