Հայաստանի ազգային պատկերասրահը՝ երկրի խոշորագույն գեղարվեստական թանգարանն է, գտնվում է Երևանի Հանրապետության հրապարակում՝ հիմնադրվել է 1921 թվականին։ 56 ցուցասրահներում ներկայացված հավաքածուն ընդհանուր պատկերացում է տալիս ազգային կերպարվեստի և դեկորատիվ-կիրառական արվեստի պատմության մասին, ինչպես նաև ներկայացնում է արտասահմանյան երկրների արվեստը հնագույն ժամանակներից մինչ մեր օրերը: Պատկերասրահում ցուցադրվում են այնպիսի աշխարհահռչակ արվեստագետներ, ինչպիսիք են Տինտորետտոն, Դոնատելլոն, Օգյուստ Ռոդենը, Պիտեր Պաուլ Ռուբենսը, Գուստավ Կուրբեն, Վասիլի Կանդինսկին, Մարկ Շագալը, հայ նկարիչներից Հովհաննես Այվազովսկին, Վարդգես Սուրենյանց, Մարտիրոս Սարյանը, Մինաս Ավետիսյանը, , Հարություն Կալենցը, Էդուարդ Իսաբեկյանը և այլք:
Թանգարանի առաջին տնօրենն է եղել նշանակվում Մարտիրոս Սարյանը: Պետական թանգարանը գտնվում էր Աստաֆյան՝ այժմյան Աբովյան, փողոցում: Թանգարանի շենքում գործում էին նաև հանրային գրադարանը և համերգասրահը: Բացի այդ, այստեղ ապաստան էին գտել Արևմտյան Հայաստանից գաղթած որբ երեխաներ և դա էր պատճառը, որ առաջին չորս տարիներին թանգարանը չուներ ցուցասրահներ:
1921 – 1925 թթ. արդեն վավերացված էին հայկական, ռուսական, եվրոպական հեղինակների շուրջ 400 ստեղծագործություններ, որոնք ցուցադրվում էին 6 դահլիճներում: 1991թ. Հայաստանի գեղարվեստական խոշորագույն օջախը վերանվանվեց Հայաստանի ազգային պատկերասրահ:
Երբ 1923 թ. Ասքանազ Մռավյանը դիմում է Ֆրանսիայի հայ նկարիչներին՝ խնդրելով ուժերի ներածին չափ օգնել թանգարանին. նրա կոչին խանդավառությամբ արձագանքում են Վ. Մախոխյանը, , Տ. Եսայանը, Ս. Խաչատրյանը, Ռ. Շիշմանյանը և ուրիշներ՝ պարբերաբար մինչև 1935 թ. նվիրելով շուրջ 40 ստեղծագործություն: Առաջին տասնամյակների նվիրատու-բարերարներից են նաև նկարիչներ Մ. Սարյանը, Ե. Թադևոսյանը, Փ. Թերլեմեզյանը, Վ. Գայֆեճյանը, անվանի ռուս նկարիչներ և հավաքածուատերեր:
Կարծիքներ
Դեռևս կարծիքներ չկան: