Սաղմոսավանք բառի հիմքում սաղմոսն է։ Սաղմոսը հոգևոր երգ է։ Աշխարհում միակ վանքն է, որ այստեղ հնչած սաղմոսների անունով Սաղմոսավանք է կոչվել։ Վանական այս համալիրը հրաշալի ակուստիկա ունի։
Ավանդության համաձայն, հայոց առաջին կաթողիկոս Գրիգոր Լուսավորիչը 4-րդ դարում, երբ թողել է հայրապետական սուրբ Աթոռը և ճգնել Արագածի լանջերին, նկատելով այս վայրը, գալիս է և եկեղեցի կառուցում, ապա հավաքելով հոգևորականների, նրանց սաղմոսներ է սովորեցրել։
Գրավոր աղբյուրներում Սաղմոսավանքը հիշատակվում է 12-րդ դարի 2-րդ կեսից, ասում են, 1215 թվականին Վաչե Վաչուտյան իշխանն իր կնոջ՝ Մամախաթունի հետ միասին, կառուցում են Սաղմոսավանքի գլխավոր Սուրբ Սիոն եկեղեցին, որի ճարտարապետը Մոմիկն էր։
13-րդ դարի վերջին այստեղ պահվում էր շուրջ 120 ձեռագիր։
Կարծիքներ
Դեռևս կարծիքներ չկան: