ՅՈԹՎԵՐՔ կամ ՍԲ. ԱՍՏՎԱԾԱԾԻՆ

Սբ. Աստվածածին կամ Սուրբ Յոթ Վերք, եկեղեցի ՀՀ Շիրակի մարզի Գյումրի քաղաքում։ Կառուցվել է 1874–1886 թթ., և գտնվում է քաղաքի Կենտրոնական՝ այժմ Վարդանանց, հրապարակում։ Եկեղեցին Շիրակի թեմի առաջնորդանիստն է։ Յոթ Վերք եկեղեցին արտաքուստ ուղղանկյունաձև, իսկ ներքուստ խաչաձև գմբեթավոր շինություն է։ Եկեղեցին ունի զանգակատուն, որը գտնվում է արևմտյան մուտքի դիմաց, ունի երեք աղոթասրահ, որոնք կից են հյուսիսային և արևմտյան պատերին, ունի 1 գլխավոր և 3 լրացուցիչ գմբեթներ։ Լրացուցիչ գմբեթները չափերով ավելի փոքր են։ 1988 թ.-ի ավերիչ երկրաշարժից եկեղեցին քիչ է տուժել։ Երկու փոքր գմբեթները ամբողջությամբ պոկվել և ցած են ընկել, այժմ այդ գմբեթները դրված են եկեղեցու բակում։ Հայաստանի անկախացումից հետո եկեղեցին բարեկարգվել է, նախ վերացվել է եկեղեցու դիմացը գտնվող բնակելի շենքը, որը փլվել էր երկրաշարժի պատճառով։ Արդյունքում եկեղեցին տեսանելի է դարձել հրապարակից և Գյումրվա երկու եկեղեցիները՝ Յոթ Վերքն ու Սուրբ Ամենափրկիչը նայում եմ միմյանց։