Հանրապետության հրապարակը, քաղաքի վարչական կենտրոնի գլխավոր ճարտարապետական համակառույցն է: Ստեղծվել է ըստ Երևանի գլխավոր հատակագծի. այն նախագծվել է 1924 թվականին ճարտարապետ Ալեքսանդր Թամանյանի կողմից, իսկ շինարարությունը սկսվել է 1926 թվականին՝ Կառավարության շենքի կառուցումով։ Հանրապետության հրապարակի հատակագիծը սեղանի և օվալի համադրություն է, բոլոր շենքերը կառուցված և երեսպատված են սպիտակ և վարդագույն երանգների ֆելզիտային տուֆով։
Կառույցների մեծ մասի շինարարությունն ավարտին է հասցվել մինչև 1950 թվականը, իսկ վերջին շենքի՝ Ազգային պատկերասրահի կառուցումն ավարտվել է 1977 թվականին։
Խորհրդային շրջանում հրապարակը կրել է Լենինի անունը՝ ի պատիվ խորհրդային առաջնորդ Վլադիմիր Լենինի։ Հրապարակում Լենինի արձանը տեղադրվել է 1940 թվականին և ապամոնտաժվել 1991 թվականին՝ Հայաստանի անկախացման նախաշեմին, որից հետո էլ անվանվել է Հանրապետության հրապարակ:
Կարծիքներ
Դեռևս կարծիքներ չկան: