ՀԱՌԻՃԱՎԱՆՔ

Հառիճավանքը նախկինում նաև Ղփչաղավանք, միջնադարյան վանական համալիր է  ՀՀ, Շիրակի մարզում։ Վանքի գլխավոր եկեղեցին կառուցվել է 1201 թ․,  Զաքարե և Իվանե եղբայրների կողմից, այն խաչաձև գմբեթավոր կառույց է։

Շինությունը վեհաշուք է իր պարզությամբ, կառուցման կատարելությամբ։ Վանքը եղել է նաև գիտության կենտրոն։ Այնտեղ գործող հայտնի դպրոցում 1887–1889 թթ․ սովորել է  Ավետիք Իսահակյանը։

Ասում են, սելջուկների արշավանքի ժամանակ՝ 11-րդ դարի կեսերին,  եկեղեցի բազմաթիվ մարդիկ են մտել և անհետ կորել։ Եկեղեցի մտնելով սելջուկները մարդ չգտնելով կատաղել են և որոշել են եկեղեցին հողին հավասարեցնել։ Նրանք ձիերի օգնությամբ քաշել պոկել են զանգակատունն իր վրա պահող 4 սյուները, սակայն եկեղեցին չի փլվել։ Սելջուկներն այդ հրաշքը չէին կարողանում հասկանալ, իրականում, եկեղեցում կար մի գաղտնարան, որով հայ փախստականները կարողացել են իջնել ձորի հատակ։
Նման հրաշքից վախենալով սելջուկներն այլևս չեն փորձել քանդել կառույցը։