Մ. ՄԱՇՏՈՑԻ անվ. ՄԱՏԵՆԱԴԱՐԱՆ

Մատենադարան կամ Երևանի Մեսրոպ Մաշտոցի անվան Մատենադարանը, հին ձեռագրերի և փաստաթղթերի պահպանման և ուսումնասիրման կենտրոն է: Ունի ձեռագրերի և միջնադարյան գրքերի աշխարհի ամենախոշոր հավաքածուներից մեկը։

Ստեղծվել է 1921 թվականին՝ 5-րդ դարում ստեղծված Էջմիածնի մատենադարանի հիմքի վրա։ «Մատենադարան»՝ հայերեն բառը «գրաբարում» նշանակել է «գրադարան» և համարվել է մի վայր, որին կից գործել է նաև ձեռագրատուն։ Այստեղ պահպանվում է շուրջ 23000 ձեռագիր, որից 17000-ը հայերեն ամբողջական ձեռագրեր են, հմայիլներ, պատառիկներ և 300 000 արխիվային փաստաթղթեր։

Մատենադարանում ձեռագրերը հավաքագրվում են և վերաբերում են միջնադարյան Հայաստանի մշակույթի և գիտության բոլոր բնագավառներին:

Մեզ հասած հնագույն ամբողջական ձեռագիրը մոտ 7-րդ դարում ընդօրինակված մագաղաթե Ավետարանն է, եզակի և ամբողջական  ձեռագրերից է 887 թվականին թվագրվող Լազարյան Ավետարանը:  Ձեռագրերի ամենահին պատառիկները թվագրվում են 5-6-րդ դարերին, պահվող ամենամեծ գիրքը Մշո ճառընտիրն է՝ 27,5 կգ,  իսկ ամենափոքրը՝ Տոնացույցն է՝ 19 գ։

Ամեն տարի Մատենադարանն ունենում է շուրջ 50.000 այցելու։